فالحلقة الثانية من «ميزان رمضان» غادي نهضرو على واحد الموضوع بسيط فالشكل.. ولكن كبير فالأثر على صحتنا: الماء والسوائل فرمضان.
بزاف ديال الناس كيعطيو قيمة كبيرة للأكل فالفطور والسحور، ولكن كينساو أهم حاجة: الترطيب ديال الجسم. بين الماء، العصائر، المشروبات الغازية، ومشروبات الطاقة… الخيارات كثيرة، ولكن ماشي كلها صحية.
واش العصير كيعوّض الماء؟
واش المشروبات الغازية كتروي العطش ولا كتزيدو؟
وشنو هو الخطر ديال مشروبات الطاقة خصوصاً مع الصيام؟
باش نجاوبو على هاد الأسئلة، ومع نصائح عملية وقابلة للتطبيق، معنا اليوم الدكتورة نهيلة خراط، خبيرة فالحِمية والتغذية العلاجية، اللي غادي توضّح لينا كيفاش نشربو الماء بطريقة ذكية، وكيفاش نختارو السوائل المناسبة باش ندخلو رمضان بطاقة، بلا تعب، وبلا مشاكل صحية.